D'r elevde em elevde si ens aa,
fengt d'r Fastelovend werrem aa.
Un alle Jekke freue sich dorövver,
de lang Zitt one Alaaf un Helau es nun vörröver.

Janz Kölle schonkelt op d'r Aldermat,
och em Fernseh wät op hajuja jemat.
Av Janewar send de Kräzjes Sänger voll em Streß,
se wäde va eng Sezung no de anger jehezt.

Auwiiver Donnersdach es et da esu witt,
vör de Narre kütt da en hemliche Zitt.
Nett merr Auwiiver mache sich völl Pläsir,
jong un oot send op jang öm sich ze amesere.

Vör echte Narre em janze Land,
es Fastelovend e Jeschenk va Joddeshand.
Se träke verkleet va Kneip ze Kneip,
send löstesch un mache sech völl Freud.

Rusemondach jet d'r Zoch dörch de Stroß,
alles es närrich öv Kleng öv Jruß.
D'r Prenz kütt röft enzükkt et Frizje,
un wat op Kamelle, d'r Pap op e Büzje.

Och beij os es offends d'r Bär los,
wenn d'r Elferot optrent met singem Troß.
All hant sich jet aajespellt us de Lompekess,
un wade jespant op Bur, Jungfrau un Prenz.

D'r janze Saal steht Kopp un schrijt Alaaf,
wenn Hoppediz met Dreijestirn en marschiirt em Saal,
Äschermittwoch es dann alles vörbeij,
echte Jekke harre jedöldich d'r 11 em 11 herbeij.