Kleng ävver schön es mi Heimatdorp,
wo ich alls Put jebore wot.
Ming Wesch stäng för ättliche Jor,
un ich als Keng su jlökklich wor.

Me hängt an dich, me hat dich jär,
op nun Dohem oder en d'r Fär.
De Jedanke send oft beij dich mi Dorpp,
an su manche Dach, su manche Stond.

Als Kenk hant wer jespellt Jorus Joren,
un koome manche Dach ich ovends Heem.
Wer saze et övver Hägge un Züng,
un lävde van dat wat merr en de Natur esu fong.

Op de Fälder stribizte wer Röbbcher un Mürcher,
van de Bööm schwälde wer Kesche, Äpel un Prümmcher.
Soße manche Stond em Verstäkk,
domet d'r Nober os nett met de Ure krät.

Wer spelte verstäche, Räuber un Schandarm,
beijm Duselaze fehl os och de Zitt nett lang.
Schlore de Knool dat se ronn wi ne Diddeldopp,
kneekerte met Fränkeve als klenge Strop.

Als Kenger jänge de Kö wer höne,
wore wer jrüßer moote wer Flate sprene.
Su manch moll denkt me wat mer alles temptirt,
wat enge för immer em Jedächnis bliit.

Et es lang nett mi wi et es wor,
leve Jott halt ding Hand övver osse Ort.
Dat ding Kenger noch en hondert Jor,
stolz send op dich mi Heimatdorp.

De Heemet es met et schünste op Äd,
wenn mer se mä jenoch äkstemere dät.
Wä he lävt kann jlökklich un Stolz op dich se,
dä mach dich lijje mi Dorpp, un es he Deheem.