Fröjjer wod e Dorp völl öm huch Jeld jespeld. Die Kääter woßte, dat se vör Meddenaht deheem see moote. Ens wore ettlije Mann open Haffacker am kaate, un jenge merkde, dat et ad spi wor, de Uhr wor nähmlich stoh bevve, un esu wor et 12 Uhr, ih se et woßte. Jiderrenge mahde, dat hä flott noheem kom. Et jeng och noch jodd, mer enge moot op Schwarzermech a. Oh Schreck, op emoll hüt hä et Kettejerassels. En sing Angs krof hä en en Heck eren, evve die Schreckjestalte blevve vör häm stoh. Die Wiever dansde öm hem eröm un schreide, un dä schwazze Möpp broch en e jräulich Jehäul uus. Da ärme Mann wod kollich un wie hä wer bei de sing komm, wor der janze Spook verschwonnde. Evve dä Mann hat sih Leve kenn Kaat mi ajeroht.