En Rußland wor Napoleon jeschlage wode un hä mod över Dütschland no Frankreich flöchte. Weil hä van sing Feinde verfolgt wod, verjrove se en der Jötzbor bei Komerich de Kregskass, un zwor onger der Schotz van der Düvel. Mer en de Jeisterstond konnt se usjejrave wäde, dobei dosch evve kenne e Wood spreche. Op en Naat wolle e paar Mann us Dorp der Schatz heve. Se hodde kom ajefange ze jrave, wie se van en Hand, die se net seh konnte, jeurfigt wode. Do sog enge der Kessel un reef: "Ich hannem", evve onder schrecklich Spektakel versonk der Kessel ejjen Ed. Der Deckel heel noch enge ejen Hand. Janz ald Lü us Dorp welle hem noch jesee ha.