Brungswedche un d'r Piefehoff
woore för os Kenger fröjer enne Bejref.
En Brungswedche wor Pool hänger Pool,
för d Bahn ze schlare em Wenkter idejal.

Wore d Pööl em Wenkter zojefrore,
trokk alles no et Wedche en d Krüzstroß hen,
met d Schleddscho onger d'r Ärm, öv öm d Bahn ze schlare,
se komme us alle Stroße, öff Jruß, öff Kleng.

Et bestong kenn Jefahr, dats d onger konz jo,
d Pöölcher wore jo net deep un och net jruß.
D Bahne wode jlatt jemat, do konz d net drop stoh.
E lang Reje jong et da övver dat späijjelblank Iis.

För os Jonge wor dat d'r schünste Vermach,
henger d Mäddcher her ze wetze
ob d jlatte Bahn, en Schess enzejare.
Su verjeng os da d Zitt e Brungswedche.

Iisch wenn et düster wod, jenge wer nohem.
Schön wor dat un d Stonde lefe flott dohen.
Op d'r Heemwäsch wod noch Schellemännche jemat.
Wer freude os werem all op d'r nächste Dach.

Jev et da Schii statt Froß,
trof sich alles met d'r Schledd em Piefehoff.
He wod alle Dach zwesche Prummebööm jerodelt,
d Schledde als Bobs zesamme jefrekelt.

Ovends kome do noch de jruße us et Dorp,
da wor richtich jett meng ob d Rodelbahn.
Manch enge hot sich d Butz zerresse em Stacheldroht,
dobai jef et och Fleschwonde un addens enne lose Zahn.

Wenn och os Wenkteramössemang kott wor em Johr,
et wor ävver vorhande, wat jo dat schünste wor.
Hü hant d Kenger kom noch Wenkter mit Schnii un Froß,
och ke Wedche mi un och kenne Piefehoff.